أبوذيات

ابوذيات
هذه مجموعة أبوذيات شاركني في جمعها الأخ و الصديق عبد الكريم النعمات
===============================
تنظرلي نظره غضب ترفع علي حاجبك
بالله اريد اسالك منهو العلي حاجبك
وياك انزف وفا مو طمع اوحاجه بك
وتلعب قلبي لعب مايوم قلبي ملّك
وانتا بجمالك صرت فوق الخلايق ملك
ومادام صرت الملك خليني انا حاجبك
====================
لانو حلو طولك ورمشك وعيناك
وكنا بلاوعي وهسا وعيناك
اي تعال اسكن بقلبي واعينك
مدير قنوات الحب والعاطفيه
======================================
بجفاك يامدلل شكثر اوادم لاسنتنا
بشهرنا لاتمرنا لاسنتنا
لاشيعتنا ترضى لاسنتنا
بشرع يادين هيك تسوي بيا
======================
قلب صافي إذا ترغب قلبنا
و ابد ما يوم على الصاحب قلبنا
اصير ضلوع إلك و انت قلبنا
من ينبض قلبك ترد الروح بيا
==================================
حبابي شلون حالتكم بعدنا
شبدينا و الوقت عنكم بعدنا
إذا انتم نسيتونا ترى احنا بعدنا
بذكركم كل صباح و كل مسيا
================================
روحي وياك ما ينقطع وصلها
و تفرح لو خبر منك وصلها
و تظل نبع المحبة و انت وصلها
و تظل رغم البعد غالي عليا
=====================================
احبك و ما أحب غيرك بدالك
أنا وين القى يا حلو بدالك
و شوقي.ما بد لغيرك بس بدالك
ملاك و من السما نازل عليا
========================================
حبيب الروح لاتقطع وصاله
والك بقليبي كم غرفه وصاله
يروحن الك فدوى نجوى واصاله وياهن لطيفه التونسيه
========================================
شمانوصف ياحلو الطول مايكفي وصفنا
واللي مثلك ينراد اله قعده وصفنه
وتكون انتا بمدرستنا وصفنا
اذا تاخذ صفر اعطيك مية
========================================
نحيل الجسم بودادك و دارك
عجيبة الغيرك عني و دارك
احلف ما أصل بابك و دارك
و لا أقولن كنت صاحب إليا
=======================================

يا باري المرض هد حيلي و هدني
ولا يوم ابتعد عني و هدني
ارشدني لرحمتك يا رب و هدني
طريح فراش و العلة خفية
========================================
عنيد والعناده اللي بيك مره
واللي يزعلك روح اله بالكذب مره
وبلكي يعترف بالشوق مره
ويقولك منك احتاجيت جيه
========================================
احبك حب ما ينكتب وصفه
و عليك القلب مثل الذهب و أصفى
علي من يكتب الدكتور وصفة
عيونك و الشفايف صيدلية
========================================
كتبت بيك الشعر الف وصفه ووصفه
وقلبي عليك اصفى من الذهب واصفى
وليش يكتب الدكتور وصفى
اذا خدودك المشفى وشفافك صيدليه
=======================================
سهام عينك بقلبي حيل شرعا
و سفن حبك بخليج الروح شرعا
دورت مذهب يحلل البوس شرعا
وإذا مافي ارد للجاهلية
=======================================

حبيبي شلون ما احبك ولابيك
امك ما تحن مثلي ولابيك
ريتهن بيا لوعاتك ولابيك
و أحوش كل وجع منك عليا
=============================
اصيرن جفن للاحباب واضل عين
واضل اقفلك بالشده واضل عين
ست عظام اكسرلك وظلعين
اسويهن جسر واتمر عليا
===============================
‏عليمن يا جدم سيرت و اخطيت
‏شكثر مني حملت ذنوب واخطيت ‏
عمت عيني رميت خشف واخطيت
‏غشيم ورد الصوج عليه
==================================
عقلي ماصفن لحد صفن لك
عمري اوروحي وقلبي صفن لك
اخلاق اوطيب اوعفة صفن لك
وصف اخلاص حبك بس الية
====================================
ذبحني هالغزال صغير سنه
اذا قلت انتزوج ضحك سنه
على مود أخذه شرعً وسنه
يقول هوايا احلامك قوية
================================
صعب نسيان ولف العمر و الروح
و عنك لا تظن نبتعد و نروح
اذا راح النظر و الحيل و الروح
اوديلك ثمر قلبي هديه
===============================
غيرك ماعجب شخصي ولاثار
وتسحر حيل حنيتك والايثار
قلت الك عوف كليتك والاثار
لأن انته الحضارة البابلية
===========================_===
صار سنين اناديله مجاني
و فرقت حبه على الأوادم مجاني
بعشرتي وياك ما عايل ماجاني
شلون اجني و أنا المجني عليا
========================================